ஹொரவ்பொத்தான பொலிஸ் பிரிவுக்குட்பட்ட ஆனவிழுந்தான் பகுதியில் யானை தாக்கியதில் இரண்டு பிள்ளைகளின் தந்தையொருவர் உயிரிழந்துள்ளார்.
இந்த சம்பவம் இன்று இரவு இடம்பெற்றுள்ளதாக பொலிஸார் கூறியுள்ளனர். ஹொரவ்பொத்தான-அற்றாவ பகுதியைச் சேர்ந்த 29 வயதுடைய ஒருவரே இவ்வாறு உயிரிழந்துள்ளதாக பொலிஸார் கூறியுள்ளனர்.
சம்பவம் குறித்து மேலும் தெரியவருவதாவது,
ஆனவிழுந்தான் பிரதான வீதியின் ஊடாக, சக நண்பருடன் மோட்டார் சைக்கிளில், தோட்டத்திற்கு காவலுக்காக சென்றுகொண்டிருந்தபோது குறுக்கே வந்த யானை அவரை தாக்கியுள்ளது.
இந்நிலையில், குறித்த நபர் அருகிலுள்ள கபுகொல்லாவ பிரதேச வைத்தியசாலையில் அனுமதிக்கப்பட்டதையடுத்து உயிரிழந்துள்ளதாக ஆரம்பகட்ட விசாரணையின் மூலம் தெரியவந்துள்ளது.
உயிரிழந்தவரின் சடலம் கபுகொல்லாவ பிரதேச வைத்தியசாலை பிரேத அறையில் வைக்கப்பட்டுள்ளதுடன், சம்பவம் தொடர்பிலான விசாரணைகளை ஹொரவ்பத்தான பொலிஸார் மேற்கொண்டு வருகின்றனர்.
