யாழ்ப்பாண மக்கள் விழிப்புடன் இருக்க வேண்டும்..!! மருத்துவர் த. சத்தியமூர்த்தி

நாட்டில் கொரோனா தொற்று அதிகரித்துவரும் நிலையில் யாழ்ப்பாண மக்கள் விழிப்புடன் இருக்க வேண்டும் என யாழ்ப்பாணம் போதனா வைத்தியசாலையின் பணிப்பாளர் மருத்துவர் த. சத்தியமூர்த்தி வேண்டுகோள் விடுத்துள்ளார்.

யாழ்ப்பாண மாவட்டமானது கொரோனா வைரஸ் தொற்று பரவும் அபாயம் உள்ள வலயமாக அறிவிக்கப்பட்டுள்ள நிலையில், யாழ் மக்கள் எதிர்வரும் சில வாரங்களுக்கு மிகவும் அவதானமாகவும் விழிப்புணர்வுடனும் இருக்க வேண்டும்.

மக்கள் எதிர்வரும் நாட்களிலும் வீடுகளில் இருக்குமாறு கேட்டுக் கொள்கிறோம்

யாழ்ப்பாண மாவட்டத்தில் உள்ள மக்கள் தங்கள் வீடுகளிலிருந்து வெளியே சென்று வருவதாக தகவல்கள் கிடைத்துள்ளன. எனவே பொதுமக்கள் எதிர்வரும் சில வாரங்களுக்கு விழிப்பாக இருக்க வேண்டியது அவசியம் என்றும் குறிப்பிட்டுள்ளார்.