ஸ்ரீலங்காவில் கடல் அலைகள் உயர எழும்! மக்களே எச்சரிக்கை

கடல் அலைகள் வழமையை விட 2 மீற்றர் முதல் 2.5 மீற்றர் வரை உயர எழும்பக் கூடும் என வானிலை அவதான நிலையம் தெரிவித்துள்ளது.

இதேவேளை, அலைகள் கரையை கடந்தாலும் சேதங்களை ஏற்படுத்தமாட்டாது எனவும் தெரிவிக்கின்றது.

புத்தளம், கொழும்பு , காலி, ஹம்பாந்தோட்டை ஊடாக பொத்துவில் வரையில் இவ்வாறான நிலைமை இருக்கும்என வானிலை அவதான நிலைய அதிகாரி மொஹமட் சாலிஹின் தெரிவித்தார்.

மாறுப்பட்ட கடல் அமுக்கமே அலைகள் உயரக் காரணம் என்றும் அவர் கூறினார்.

பாரிய அலைகள் கடலில் ஏற்படுவதினால் கடல்சார் ஊழியர்களும், பொதுமக்களும் அவதானமாக செயற்பட வேண்டும் என அவர் எச்சரிக்கை விடுத்துள்ளார்.