பிரபல நடிகை பூமிகா வில்லியாக உருவெடுத்துள்ளார்..!!

திருமணத்திற்குப்பின் படங்களில் நடிப்பதை குறைத்துக்கொண்ட நடிகை பூமிகா மீண்டும் சினிமாவில் ஒரு ரவுண்டுவர தயாராகிவிட்டார் அதனால் கதாநாயகியாக இல்லாவிட்டாலும் கதையின் நாயகியாக தேடிவரும் கேரக்டர்களை ஏற்றுக்கொள்ளும் அவர் தமிழ், தெலுங்கு, இந்தி என மும்மொழிகளிலும் கலந்துகட்டி நடித்து வருகிறார்.

அந்தவகையில் பாலகிருஷ்ணா நடிக்கவுள்ள புதிய படத்தில் வில்லியாக முக்கிய கதாபாத்திரத்தில் நடிக்க உள்ளாராம் பூமிகா. ஏற்கனவே கடந்த வருடம் வெளியான ரூலர் படத்திலும் பாலகிருஷ்ணாவுடன் இணைந்து நடித்திருந்தார் பூமிகா.

சிம்ஹா, லெஜென்ட் ஆகிய படங்களை தொடர்ந்து மூன்றாவது முறையாக பாலகிருஷ்ணாவின் இந்தப்படத்தை இயக்குகிறார் இயக்குனர் போயபட்டி சீனு. வழக்கம்போல இதுவும் பக்கா ஆக்சன் படமாக உருவாக இருக்கிறதாம்.