கேரள கஞ்சாவுடன் மூவர் கைது..!!

யாழ் மணல்காடு கடற்பரப்பில் 133 கிலோ 57 கிராம் கேரள கஞ்சாவுடன் மூவர் கைது செய்யப்பட்டுள்ளனர்.

கஞ்சா தொகையை இந்தியாவிலிருந்து சட்டவிரோதமான முறையில் நாட்டுக்குள் கொண்டுவர முயற்சித்த மூவரே கடற்படையினரால் கைது செய்யப்பட்டுள்ளனர்.

கைப்பற்றப்பட்ட கேரள கஞ்சாவின் பெறுமதியானது சுமார் 2 கோடி என கடற்படையினர் தெரிவித்தனர்.

சம்பவத்தில் கைது செய்யப்பட்ட நபர்கள் பருத்தித்துறை பகுதியில் வசிக்கும் 22, 26 மற்றும் 37 வயதுடையவர்கள் என கடற்படையினர் தெரிவித்தனர்.

இந்நிலையில் சம்பவம் தொடர்பிலான மேலதிக விசாரணைகளை பருத்தித்துறை பொலிஸார் முன்னெடுத்து வருகின்றனர்.