நீர்த்தொட்டியில் தவறிவீழ்ந்து சிறுமி மரணம்.!!

முல்லைத்தீவு,மல்லாவிப் பகுதியில் சிறுமி ஒருவர் நீர்த்தொட்டியில் வீழ்ந்து உயிரிழந்துள்ள துயர சம்பவமொன்று இடம்பெற்றுள்ளது.

வளநகர் மேற்கு 05ஆம் யுனிட் மல்லாவி பகுதியில் நேற்று (20) இச்சம்பவம் இடம்பெற்றுள்ளது.

இதில் ராகுலன் துசானி (04) எனும் சிறுமியே வீட்டில் உள்ள நீர்த் தொட்டியில் தவறி வீழ்ந்து உயிரிழந்துள்ளது.

சம்பவ இடத்திற்கு சென்ற மல்லாவி பொலிஸார் விசாரணை மேற்கொண்டதோடு, சடலம் பிரேத பரிசோதனைக்காக முல்லைத்தீவு மாவட்ட மருத்துவமனைக்கு கொண்டு செல்லப்பட்டு, மரண விசாரணை அதிகாரிகளின் விசாரணையின் பின்னர் பெற்றோரிடம் ஒப்படைக்கப்பட்டுள்ளது.