வாட்ஸ் ஆப் வீடியோ அழைப்பில் அதிரடி மாற்றம்

பேஸ்புக் நிறுவனம் அண்மையில் Messenger Room எனும் வசதியினை அறிமுகம் செய்யவுள்ளதாக தெரிவித்திருந்தது.

இதன் மூலம் 50 பேர் வரை ஒரே நேரத்தில் வீடியோ அழைப்பில் இணைந்திருக்க முடியும்.

அதேபோன்று வாட்ஸ் ஆப்பிலும் Room எனும் வசதி உள்ளடக்கப்படவுள்ளது.

இதன் மூலம் அதிகபட்சமாக 8 நபர்கள் வீடியோ அழைப்பில் ஒரே நேரத்தில் இணைய முடியும்.

அதுமாத்திரமன்றி குரல்வழி அழைப்பிலும் 8 பேர் வரை இணைய முடியும்.

WABetaInfo வெளியிட்டுள்ள தகவலின்படி 2.20.139 எனும் அன்ரோயிட்டிற்கான வாட்ஸ் ஆப் பதிப்பில் இவ் வசதி கிடைக்கப்பெறும் என தெரிவிக்கப்பட்டுள்ளது.

இதற்கு முன்னர் ஒரே நேரத்தில் 4 பேர் வாட்ஸ் ஆப் வீடியோ அழைப்பில் இணையக்கூடியதாக இருந்தமை குறிப்பிடத்தக்கது.