நேற்று உயிரிழந்த பெண்ணுக்கு கொரோனா எவ்வாறு தொற்றியது?

கொழும்பில் நேற்று உயிரிழந்த பெண்மணிக்கு கொரோனா வைரஸ் எவ்வாறு தொற்றியது என்பது குறித்து இதுவரை தெரியவரவில்லையென இராணுவத் தளபதி சவேந்திர சில்வா தெரிவித்துள்ளார்.

ஸ்ரீலங்காவில் தற்போதுவரை 771 பேருக்கு கொரோனா தொற்று இருப்பது உறுதிசெய்யப்பட்டுள்ளது.

ஏற்கனவே கொரோனா தொற்றால் பாதிக்கப்பட்ட 7 பேர் உயிரிழந்திருந்த நிலையில் நேற்று ஒரு பெண்ணும் நேற்று முன்தினத் ஒரு பெண்மணியும் உயிரிழந்ததையடுத்து உயிரிழந்தோர் எண்ணிக்கை 9 ஆக அதிகரித்துள்ளது.

இந்நிலையில் கொரோனா வைரஸ் தொற்று காரணமாக நேற்று உயிரிழந்த பெண்மணிக்கு வைரஸ் எவ்வாறு, யாரால் தொற்றியது என்பது பற்றி இதுவரை தகவல் தெரியவரவில்லை.

எப்படியாயினும் அதனை கண்டறிவோம். இன்றைய தினத்திற்குள் அது தொடர்பில் அறிவிப்பொன்றை வெளியிடுவோம் என இராணுவத் தளபதி சவேந்திர சில்வா தெரிவித்துள்ளார்.