இலங்கையில் கொரோனா வைரஸ் தொற்றுக்குள்ளான மேலும் 05 பேர் இன்று இதுவரை அடையாளம் காணப்பட்டுள்ளனர் என்பதோடு, 33 பேர் குணமடைந்துள்ளனர்.
ஓமானிலிருந்து வந்து தனிமைப்படுத்தப்பட்ட 05 பேரே இன்று இதுவரை அடையாளம் காணப்பட்டவர்களாவர்.
இன்று (30) பிற்பகல் 5.00 மணியளவில் தேசிய தொற்று நோய் விஞ்ஞானப் பிரிவினால் எடுக்கப்பட்ட கணக்கெடுப்பின்படி, கொரோனா வைரஸ் தொற்றியுள்ளதாக, அடையாளம் காணப்பட்டவர்களின் எண்ணிக்கை 2,042 இலிருந்து 2,047 ஆக அதிகரித்துள்ளது. அத்துடன் குணமடைந்தவர்களின் எண்ணிக்கை 1,678 இலிருந்து 1,711 ஆக அதிகரித்துள்ளது.
நேற்று (29) பங்களாதேஷிலிருந்து வந்து பம்பைமடு, வைக்கால் ஆகிய தனிமைப்படுத்தல் நிலையங்களில் தனிமைப்படுத்தப்பட்ட 02 பேர், பாகிஸ்தானிலிருந்து வந்து தியத்தலாவையில் தனிமைப்படுத்தப்பட்ட 03 பேர் ஆகிய 05 பேர் அடையாளம் காணப்பட்டிருந்தனர் என்பது குறிப்பிடத்தக்கது.
