வாகனம் மோதியதில் 18 மாடுகள் பரிதாப பலி! எங்கு தெரியுமா ???

முல்லைத்தீவு – பரந்தன் ஏ -35 வீதியின் வெலிக்கண்டல் சந்திப் பகுதியில் வாகனத்தில் மோதுண்டு 18 மாடுகள் பரிதாபமாக உயிரிழந்துள்ளன.

இந்த விபத்து சம்பவம் இன்று அதிகாலை இடம்பெற்றுள்ளது .

விசுவமடு பகுதியில் இருந்து வேகமாக வந்த டிப்பர் வாகனம், வீதியில் பயணித்துக் கொண்டிருந்த மாடுகளை மோதித் தள்ளி விட்டு தப்பிச் சென்றுள்ளதாக விபத்தினை அவதானித்தவர்கள் தெரிவித்துள்ளனர்.

கிளிநொச்சி இரணைமடு குளத்தின் கீழ் சிறுபோக செய்கை மேற்கொள்ளப்பட்டுள்ளது.

இந்த நிலையில், கால்நடை பண்ணையாளர்கள் தமது கால்நடைகளை பயிர்ச்செய்கைக்கு உட்படாத பகுதியான வெலிக்கண்டல் பகுதியில் வைத்து பராமரித்து வருகின்ற நிலையில் இவ்வாறு விபத்து இடம்பெற்றுள்ளமை குறிப்பிடத்தக்கது.