பிரேசில் நாட்டில் 3 வயது சிறுவன், எதிர்பாராதவிதமாக நீச்சல் குளத்தில் விழுந்து உயிருக்குப் போராடி வந்த தனது நண்பனை சாமர்த்தியமாக காப்பாற்றியுள்ள சம்பவம் பலரது பாராட்டுக்களை பெற்று வருகிறது.
பிரேசில் நாட்டில் உள்ள ஒரு நகரில் ஆர்தர் டி ஒலிவேரா என்ற மூன்று வயது சிறுவன் தனது நணபருடன் நீச்சல் குளம் அருகில் அமர்ந்திருந்தான். அங்கு அவனது நண்பன் நீச்சல் குள்ளத்தில் உள்ள காற்று நிரம்பிய பொம்மையை பிடிக்க முயன்றுள்ளான். அப்போது எதிர்பாராதவிதமாக அவனது நண்பர் குளத்தில் விழுந்து உயிருக்குப் போராடியுள்ளார். இதனை சற்றும் எதிர்பாரத ஆர்தர் டி ஒலிவேரா, உதவிக்காக சுற்றுமுற்றும் பார்த்துள்ளார். ஆனால் யாரும் இல்லாததை அடுத்து தனது நண்பனை சாமார்த்தியமாக நீச்சல் குளத்தில் இருந்து காப்பாற்றியுள்ளான்.
இது தொடர்பான காட்சிகள் ஆங்குள்ள சிசிடிவி கேமராவில் பதிவானதை தொடர்ந்து அந்த வீடியோவை எடுத்து ஆர்தர் டி ஒலிவேராவின் தாயார் பேஸ்புக்கில் பகிர்ந்துள்ளார். இதனை அடுத்து அந்த வீடியோ வைரலாகி அனைவரது பாராட்டுக்களையும் பெற்று வருகிறது.
மூன்று வயது சிறுவனின் இந்த துணிச்சலைப் பாராட்டிய பிரேசில் ராணுவத்தினர் அர்தரை கவுரவிக்க இனிப்புகள் மற்றும் புதிய கூடைப்பந்துடன் அவரது வீட்டுக்கு சென்று பாராட்டினர். மேலும் ஹீரோ என்று ஒரு சான்றிதழ் மற்றும் கோப்பையும் அவருக்கு வழங்கினர்.
