தமிழகத்தில் இன்று 5,958 பேருக்கு கொரோனா தொற்று உறுதியாகியுள்ளது.
தமிழகத்தில் கொரோனா பாதிப்பு நிலவரம் குறித்து சுகாதாரத் துறை இன்று வெளியிட்டுள்ள அறிக்கையில், கொரோனாவால் பாதிக்கப்பட்டவர்கள் எண்ணிக்கை 3,97,261 ஆக அதிகரித்துள்ளதாக தெரிவிக்கப்பட்டுள்ளது. இன்று தொற்று உறுதி செய்யப்பட்ட 5,958 நபர்களில், 15 பேர் வெளிநாடு மற்றும் வெளி மாநிலங்களிலிருந்து தமிழகம் வந்தவர்கள்
சென்னையில் இன்று 1,290 பேருக்கு தொற்று உறுதியாகியுள்ளது. இதையடுத்து சென்னையில் பாதிக்கப்பட்டவர்களின் எண்ணிக்கை 1,29,247 ஆக அதிகரித்துள்ளது. சென்னைக்கு அடுத்தபடியாக கோவை மாவட்டத்தில் 484 பேருக்கு இன்று கொரோனா தொற்று உறுதியானது. அந்த மாவட்டத்தில் பாதிக்கப்பட்டவர்கள் எண்ணிக்கை 12,954 ஆக அதிகரித்துள்ளது.
தமிழகத்தில் கொரோனாவால் இன்று 118 பேர் உயிரிழந்துள்ளனர். இதையடுத்து கொரோனாவிற்கு பலியானவர்களின் எண்ணிக்கை 6,839 ஆக அதிகரித்துள்ளது. கொரோனாவிலிருந்து இன்று ஒரே நாளில் 5,606 பேர் குணமடைந்துள்ளனர். இதையடுத்து இந்நோயிலிருந்து மீண்டவர்களின் எண்ணிக்கை 3,38,060 ஆக அதிகரித்துள்ளது.
