இலங்கைக்கு எதிராக போர் குற்றம் சுமத்தப்பட்ட ஜெனிவா யோசனை தொடர்பாக அமெரிக்காவின் புதிய ஜனாதிபதி டொனால்ட் ட்ரம்ப் அரசாங்கம் எதிர்வரும் பெப்ரவரி தீர்மானம் ஒன்றை எடுக்க உள்ளதாக கூறப்படுகிறது.
யோசனையை திரும்ப பெறும் அதிகாரம் அமெரிக்க ஜனாதிபதிக்கு உள்ளது. ஜனாதிபதி மைத்திரிபால சிறிசேனவும் உலக இலங்கையர் பேரவை என்ற சிங்கள அமைப்பும் யோசனையை திரும்பபெறுமாறு டொனால்ட் ட்ரம்பிடம் கோரியுள்ளதாக சிங்கள வார பத்திரிகை தகவல் வெளியிட்டுள்ளது.
ஜெனிவா யோசனையை அமெரிக்க ராஜாங்க திணைக்களமே மனித உரிமை பேரவையில் முன்வைத்தது.
ட்ரம்ப் ஜனாதிபதியாக தெரிவாகியுள்ள நிலையில், யோசனையை கொண்டு வர காரணமாக இருந்த ஹிலரி கிளின்டனுக்கு சார்பான அதிகாரிகளின் அதிகாரம் குறையும் என தகவல்கள் கூறுகின்றன.
எது எப்படி இருந்த போதிலும் ஜெனிவா யோசனை எதிர்வரும் மார்ச் மாதம் 26 ஆம் திகதி மீண்டும் விவாதத்திற்கு எடுத்துக்கொள்ளப்பட உள்ளது.
