நம் வீட்டில் சுற்றித் திரியக் கூடிய ஒரு உயிரினம் தான் பல்லி. அந்த பல்லி எழுப்பக் கூடிய சப்தம் வைத்தும், அவை நம் மீது விழுவதை வைத்து ஜோதிட பலன் பார்ப்பது வழக்கம்.
பல்லி எந்த திசையிலிருந்து சத்தங்களை எழுப்புகிறது என்பதை வைத்து பலன் கணிக்கலாம் என்பதை முன்னோர்கள் கூறியுள்ளனர்.
எந்த திசையிலிருந்து பல்லி சபதமிட்டால் என்ன பலன் என்பதைப் பார்ப்போம்.
தென்கிழக்கு திசை
அக்னி மூலையான வீட்டின் தென்கிழக்கு திசையிலிருந்து பல்லி சப்தம் எழுப்பினால் வீட்டில் ஏதேனும் ஒரு கலகம் வர வாய்ப்புள்ளது. அதுமட்டுமல்லாமல் ஒரு வாரத்திற்குள் அந்த வீட்டிற்கு ஏதேனும் ஒரு கெட்ட செய்தி வரக்கூடும் என்பது அர்த்தம்.
தென்மேற்கு திசை
வீட்டின் குபேர முலையான தென்மேற்கு திசையிலிருந்து பல்லி சபதமிடுவதைக் கேட்டால் ஜெனபந்தங்கள் வருகை ஏற்படும். அதாவது உங்களின் உற்றார், உறவினர்கள் அல்லது நண்பர்களின் வருகை ஏற்படுதலும், அதனால் நன்மையும் ஏற்படும் என்பது அர்த்தம்.
கிழக்கு திசை
வீட்டின் கிழக்கு திசையிலிருந்து பல்லி சப்தமிடுவது நல்லது அல்ல. கிழக்கு திசையிலிருந்து பல்லி சப்தமிடுவது ராகு கிரகத்தின் சாரம். அதனால் நம் மனதில் ஒரு வித பயம் உண்டாதலும், அசுப செய்தி வரக்கூடும் என்பதால் கிழக்கு திசையில் சத்தமிடுவது நல்லதல்ல.
வடக்கு திசை
வாயு மூலையான வடக்கு திசையிலிருந்து பல்லி சத்தமிட்டால் மிக நல்ல பலன் உண்டாகும். உங்கள் வீட்டிற்கு சுப செய்திகள் தேடிவரும் என்று பொருள்.
