பாலிவுட் கவர்ச்சி நடிகை சன்னி லியோன் தற்போது ‘ரயீஸ்’ படத்தில் ஒரு குத்தாட்டம் போட்டுள்ளார். இந்தப் படத்தை இயக்குனர் ராகுல் தொலாக்கிய இயக்கி வருகிறார். படத்தின் ஹீரோவாக ஷாரூக்கான் நடித்துள்ளார்.
‘லைலா ஓ லைலா’ என்ற பாட்டிற்கு நடிகை சன்னி லியோன் செம குத்தாட்டம் போட்டிருக்கிறார். ரசிகர்களிடத்தில் இப்பாடல் நல்ல வரவேற்பை பெற்று இருக்கிறது.
சமீபத்தில் ஒரு நிகழ்ச்சியில் பங்கேற்ற சன்னியிடம் ஷாரூக்கானுடன் நடித்ததை பற்றி பத்திரிக்கையாளர்கள் கேட்டனர். இதற்கு பதில் அளித்து சன்னி லியோன் கூறியதாவது, ”நான் இதுவரை முன்னணி நடிகர்களுடன் நடித்தது இல்லை என்று பலர் கூறினர். இப்படத்தின் மூலம் அவர்களுக்கு நான் சொல்ல விரும்புவது இது தான், வாழ்கையில் எப்போது வேண்டுமென்றாலும் எதுவும் நடக்கும் என்பதுக்கு இது ஒரு எடுத்துகாட்டு.
செய்யும் வேலையில் கடின உழைப்பும், நல்ல எண்ணமும் இருந்தால் நிச்சயம் நல்லது நடக்கும். நம் மனதில் எதை நினைக்கிறோமோ அது நல்லதாக இருந்தால் கண்டிப்பாக அது நடக்கும்“ என்று கூறினார்.
