சிறையில் 23 கைதிகளிற்கு கொரோனா!

போகம்பரை சிறை தனிமைப்படுத்தப்பட்ட மையத்தில் 23 விளக்கமறியல் கைதிகளிற்கு கொரோனா தொற்று இருப்பது கண்டறியப்பட்டுள்ளது.

சந்தேக நபர்கள் நாட்டின் பல்வேறு பகுதிகளில் உள்ள நீதிமன்றங்களால் விளக்கமறியலில் வைக்கப்பட்ட பின்னர் போகம்பரை தனிமைப்படுத்தப்பட்ட மையத்திற்கு அனுப்பப்பட்டதாக கூறப்படுகிறது.

முன்னதாக, போகம்பரை சிறைச்சாலையின் இரண்டு காவலர்கள் மற்றும் ஏழு கைதிகள் கொரோனா தொற்றினால் பாதிக்கப்பட்டது கண்டறியப்பட்டது. பின்னர் அவர்கள் தெல்தெனிய கொரோனா சிகிச்சை மையத்திற்கு அனுப்பப்பட்டனர்.

தும்பர சிறைச்சாலையில் ஒரு சந்தேக நபருக்கும் கொரோனா தொற்று கண்டறியப்பட்டுள்ளது.