கொரோனா தொற்றாளிகளின் எண்ணிக்கை 785 ஆக உயர்வு

காவல்துறைக்குள் கொரோனா தொற்றாளிகளின் எண்ணிக்கை 785ஆக உயர்ந்துள்ளது.

இன்றும் காவல்துறைக்குள் கொரோனா தொற்றாளிகள் கண்டறியப்பட்ட நிலையிலேயே இந்த எண்ணிக்கை உயர்வடைந்துள்ளது.

இதுவரையான தகவல்களின் படி சிறப்பு அதிரடிப்படையின் 191 பேர், கொழும்பு குற்றத்தடுப்பு பிரிவின் 64பேர், பொரல்லை காவல்துறையின் 90 பேர், கிராண்ட் பாஸ் காவல்துறையின் 24 பேர், கோட்டை காவல்துறையில் 122 பேரும், டாம் வீதி காவல்துறையில் 10 பேரும் இதில் அடங்குகின்றனர்.

இதேவேளை,கொவிட்-19 நோய்த் தொற்றினால் இதுவரையில் இலங்கையில் 17669 பேர் பாதிக்கப்பட்டுள்ளதுடன், மேலும் குணமானோரின் மொத்த எண்ணிக்கை 12117 ஆக உயர்ந்துள்ளது.

இதன்படி, இலங்கையில் கொவிட் தொற்றினால் உயிரிழந்தோரின் எண்ணிக்கை 61 ஆக உயர்வடைந்துள்ளது.