புத்தளம் – அனகாரிக்க தர்மபால ஆரம்ப பாடசாலையில் தனது வலது கை விரல்களை இழந்த நிலையில், இடது கையால் புலமைப் பரிசில் பரீட்சைக்கு தோற்றி மாணவன் ஒருவர் சாதனை படைத்துள்ளார்.
புத்தளம் – மதுரங்குளி பகுதியைச் சேர்ந்த ஷெவான் சஞ்ஜீவ, 2017ஆம் ஆண்டு இரண்டாம் தரத்தில் கல்வி பயிலும் சந்தர்ப்பத்தில் இயந்திரமொன்றிற்குள் சிக்குண்டு, தனது விரல்களை இழந்துள்ளார்.
அதுவரை வலது கை பழக்கத்தை கொண்டிருந்த சஞ்ஜீவவிற்கு, விபத்தின் பின்னர் கல்வியில் பின்னடைவை சந்திக்க நேரிட்டது.
இவ்வாறான நிலையில் வகுப்பாசிரியர் பிரதீப் புஷ்பகுமாரவின் வழிகாட்டலின் கீழ் இந்த மாணவன் தனது கல்வியை தொடர்கின்றார்.
இந்த நிலையிலேயே இலங்கையில் கொவிட் தொற்றின் முதலாவது அலை பரவ ஆரம்பித்துள்ளது.
இந்த சந்தர்ப்பத்தில் குறித்த ஆசிரியரின் வீட்டில் தங்கியிருந்து, தனது கல்வியை தொடர்ந்துள்ளான் இந்த மாணவன்.
இவ்வாறு கல்வி பயின்ற சஞ்ஜீவ, புலமை பரிசில் பரீட்சையில் 170 புள்ளிகளை பெற்று மகத்தான சாதனை படைத்துள்ளமை குறிப்பிடத்தக்கது.
