கனடாவில் பள்ளி முடிந்து தனது 2 குழந்தைகளை வீட்டுக்கு அழைத்து வந்து கொண்டிருந்த போது வேன் மோதியதில் தாயார் ஒருவர் பரிதாபமாக உயிரிழந்துள்ளார்.
பிரிட்டீஷ் கொலம்பியாவின் சரேவை சேர்ந்தவர் Paramjit Massuta (48). இவர் சில தினங்களுக்கு முன்னர் தனது இரட்டை பெண் குழந்தைகளை பள்ளியில் இருந்து வீட்டுக்கு அழைத்து வந்து கொண்டிருந்தார்.
அப்போது அந்த வழியாக வந்த ஒரு வேன் Paramjit Massuta மீது மோதியது.
தனது இரட்டை பிள்ளைகளை காப்பாற்றும் முயற்சியின் போதே அவர் மீது வேன் மோதியது.
இந்த சம்பவத்தில் படுகாயமடைந்த Paramjit Massutaக்கு அவசர சிகிச்சையளிக்கப்பட்டும் அவர் உயிரிழந்தார்.
அவரின் பிள்ளைகளுக்கு எந்தவொரு காயமும் ஏற்படவில்லை.
இந்த சம்பவம் தொடர்பாக பொலிசார் கூறுகையில், இது ஒரு ஒரு சோகமளிக்க கூடிய பயங்கர நிகழ்வு. இதில் தொடர்புடைய வேன் ஓட்டுனரிடம் தீவிர விசாரணை மேற்கொண்டு வரப்படுவதாக கூறியுள்ளனர்.
