அவுஸ்திரேலியாவுக்கு எதிரான முதல் டெஸ்ட் போட்டியில் இந்திய அணி படுதோல்வியடைந்த நிலையில் அணி வீரர்களின் துடுப்பாட்டத்தை ஷோயிப் அக்தர் கிண்டலடித்துள்ளார்.
இந்திய கிரிக்கெட் அணி அவுஸ்திரேலியாவுடனான முதல் டெஸ்ட் போட்டியில் 8 விக்கெட் வித்தியாசத்தில் தோல்வியை தழுவியுள்ளது.
இரண்டாவது இன்னிங்ஸில் வெறும் 36 ரன்களுக்கு ஆல் அவுட்டானது.
இந்நிலையில் இந்திய அணியின் பேட்டிங்கை கிண்டலடித்துள்ளார் பாகிஸ்தான் அணியின் முன்னாள் வேகப்பந்து வீச்சாளர் ஷோயப் அக்தர்.
அவர் கூறுகையில், நேற்று காலை தூங்கி எழுந்தவுடன் தொலைக்காட்சியை பார்த்தேன். ஸ்கோர் போர்டை பார்த்தவுடன் இந்தியா 369 ரன்களை இலக்காக நிர்ணயித்துள்ளது என நினைத்தேன்.
அதனால் எனது கண்களை துடைத்துக் கொண்டு ஸ்கோர் போர்டை உற்று பார்த்தேன். அதில் 36க்கு பக்கத்தில் ‘/’ குறி இருப்பதை கவனித்தேன்.
9 பேட்ஸ்மேன்கள் அவுட், ஒருவர் ரிட்டயர்ட் ஹர்ட் என தெரிந்து கொண்டேன். நிச்சயம் இந்த தோல்வி தர்மசங்கடமான ஒன்று. ஒட்டுமொத்த பேட்டிங் டீமின் தோல்வி.
இந்தியாவோடு ஒப்பிடும்போது பாகிஸ்தானே மேல் தான் என தோன்றுகிறது என கூறியுள்ளார்.
