இந்திய டெஸ்ட் அணியின் முக்கியமான ஆல் ரவுண்டரான ஜடேஜா மீண்டும் டெஸ்ட் அணிக்குள் திரும்புவது கடினமென கூறப்படுகிறது.
இங்கிலாந்துக்கு எதிரான மூன்றாவது டெஸ்ட் போட்டியில் இந்திய அணி அதிரடியாக ஆடி வெற்றிபெற்றுள்ளது.
இந்திய அணி இரண்டாவது இன்னிங்சில் 49 ஓட்டங்கள் எடுக்க வேண்டிய நிலையில் விக்கெட் இழப்பின்றி வெற்றிபெற்றது.
இந்த போட்டி முழுக்க சுழல் பந்துவீச்சாளர்கள்தான் ஆதிக்கம் செலுத்தினார்கள். வெறும் இரண்டு நாளில் மொத்த ஆட்டமும் முடிவிற்கு வந்தது.
இங்கிலாந்துக்கு எதிராக ஜடேஜாதான் அணியில் சேர்க்கப்பட வேண்டும். ஆனால் அவருக்கு ஏற்பட்ட காயம் காரணமாக டெஸ்ட் தொடரில் சேர்க்கப்படவில்லை. இதன் காரணமாக அக்சர் பட்டேல் அணிக்குள் வந்தார்.
அக்சர் பட்டேல் தற்போது சிறப்பாக பவுலிங் செய்து வருகிறார். இரண்டு பேருமே இடதுகை ஸ்பின் பவுலர்கள்.
இதில் ஜடேஜாவை விட அக்சர் பட்டேல் சிறப்பாக பவுலிங் செய்து அதிக விக்கெட்டுகளை எடுத்து வருகிறார்.
இதனால், ஜடேஜா மீண்டும் டெஸ்ட் அணிக்குள் திரும்புவது கடினமான காரியமாகி உள்ளது. இந்தியாவில் நடக்கும் டெஸ்ட் போட்டியில் ஜடேஜாவை அக்சர் பட்டேல் மொத்தமாக மாற்ற வாய்ப்பு உள்ளது.
வெளிநாட்டு டெஸ்ட் போட்டிகளில் மட்டுமே ஜடேஜா ஆடுவார் என்கிறார்கள் துறை சார்ந்த நிபுணர்கள்.
