இந்திய கிரிக்கெட் அணியின் முன்னணி வீரர் ஜஸ்பிரித் பும்ரா பிரபல தொகுப்பாளினி சஞ்சனா கணேசனை மணக்கவிருப்பதாக தகவல் வெளியாகியுள்ளது.
இந்திய கிரிக்கெட் அணியின் முன்னணி பந்துவீச்சாளராக திகழ்பவர் பும்ரா.
தனது திறமையான வேகப்பந்து வீச்சின் மூலம் எதிரணி வீரர்களை திணறடிப்பதில் இவர் வல்லவர் ஆவார்.
சமீபத்தில் முடிந்த இங்கிலாந்துக்கு எதிரான 4 அவது டெஸ்ட் தொடரில் பும்ரா பங்கேற்கவில்லை. தனது சொந்த காரணங்களுக்காக தொடரிலிருந்து விலகுவதாக பும்ரா அறிவித்திருந்தார்.
இந்த நிலையில் பும்ராவுக்கும், முன்னாள் மொடல் அழகியும், பிரபல விளையாட்டு தொலைக்காட்சி தொகுப்பாளருமான சஞ்சனா கணேசனுக்கும் விரைவில் திருமணம் நடக்கவுள்ளது.
இருவருக்கும் வரும் 14 மற்றும் 15 ஆம் திகதிகளில் கோவாவில் திருமணம் நடக்கவிருப்பதாகவும் நெருங்கிய உறவினர்கள் மட்டுமே திருமணத்தில் கலந்துகொள்ள விருப்பதாகவும் கூறப்படுகிறது.
எனினும் இது தொடர்பில் அதிகாரபூர்வமாக பும்ரா மற்றும் சஞ்சனா சார்பில் எந்த அறிவிப்பும் இன்னும் வெளியாகவில்லை.
