சுவிட்சர்லாந்தில் கொரோனா தடுப்பூசி எடுத்துக்கொண்டவர்களில் இதுவரை 597 பேர் பக்க விளைவுகளை எதிர்கொண்டுள்ள நிலையில், அதில் பெரும்பாலானோர் பெண்கள் என தெரியவந்துள்ளது.
சுவிட்சர்லாந்தில் மார்ச் 8 ம் திகதி வரை கொரோனா தடுப்பூசி எடுத்துக் கொண்டவர்களில் பக்க விளைவுகள் குறித்த தகவல்களை சுவிஸ்மெடிக் வெளியிட்டது.
இதில் மொத்தம் 597 பேர்களுக்கு கொரோனா தடுப்பூசியால் பக்க விளைவுகள் ஏற்பட்டுள்ளதாக தெரிவித்துள்ள நிலையில், பாதிக்கப்பட்டவர்களில் சுமார் 70 சதவீதத்தினர் பெண்கள் என தெரிய வந்துள்ளது.
ஆனால் ஆபத்தான நிலையில் எவரும் இல்லை என்றே சுவிஸ்மெடிக் தரவுகள் சுட்டிக்காட்டியுள்ளன.
சுமார் 24 பேர்களுக்கு தடுப்பூசி எடுத்துக்கொண்ட பின்னர் காய்ச்சல் ஏற்பட்டுள்ளது. 18 பேருக்கு மூச்சுத்திணறலும், 14 பேர்களுக்கு மறுபடியும் கொரோனா பாதிப்பு ஏற்பட்டுள்ளதும் தெரிய வந்துள்ளது.
மட்டுமின்றி, 21 பேர் கொரோனா தடுப்பூசி எடுத்துக்கொண்ட பின்னர் பல்வேறு இடைவெளிகளில் மரணமடைந்துள்ளனர்.
சுவிஸில் இதுவரை பைசர் நிறுவன தடுப்பூசியும் மாடர்னா நிறுவன தடுப்பூசியும் மட்டுமே பொதுமக்களுக்கு செலுத்தி வருகின்றனர்.
பிரித்தானிய நிறுவனத்தின் AstraZeneca தடுப்பூசிக்கு சுவிஸ்மெடிக் நிர்வாகம் இதுவரை அனுமதி அளிக்கவில்லை.
