அமிர் கானை தொடர்ந்து மாதவனுக்கும் கொரோனா தொற்று உறுதி

பாலிவுட் முன்னணி நடிகர் அமிர் கானுக்கு கொரோனா தொற்று உறுதி செய்யப்பட்ட நிலையில் இன்று நடிகர் மாதவனுக்கும் கொரோனா தொற்று உறுதி செய்யப்பட்டுள்ளது.

அமிர்கானும், மாதவனும் இணைந்து 3 இடியட்ஸ் படத்தில் நடித்திருந்தனர். இந்த படத்தின் போஸ்டரை தனது ட்விட்டரில் வெளியிட்டுள்ள மாதவன், அமிர்கானை பிடித்த வைரஸ் தன்னையும் தொற்றிக் கொண்டது.

ஆனாலும் எல்லாம் நன்மைக்கே. விரைவில் கோவிட் சரியாகும் என குறிப்பிட்டுள்ளார்.

மாதவன் விரைவில் குணமடைய அவரது நண்பர்கள் வாழ்த்தும், பிராரத்தனையும் தெரிவித்துள்ளனர். மாதவனும், விரைவில் கொரோனாவில் இருந்து மீண்டு வருவேன் என நம்பிக்கை தெரிவித்துள்ளதை ரசிகர்கள் பலரும் பாராட்டி உள்ளனர்.