இங்கிலாந்தில் இந்த முக்கியமான கிரிக்கெட் போட்டி நடைபெறுவது உறுதி!

இங்கிலாந்தில் ஐ.சி.சி. டெஸ்ட் சாம்பியன்ஷிப் தொடரின் இறுதி போட்டி நடைபெறும் என சர்வதேச கிரிக்கெட் கவுன்சில் திட்டவட்டமாக தெரிவித்துள்ளது.

ஐ.சி.சி. டெஸ்ட் சாம்பியன்ஷிப் கிரிக்கெட் தொடரின் இறுதி போட்டி இங்கிலாந்தில் நடத்த முடிவு செய்யப்பட்டு இருந்தது.

இங்கு பரவும் புதிய வகை கொரோனா அச்சுறுத்தல் காரணமாக இந்திய வீரர்களுக்கு அனுமதி அளிக்கப்படுவதில் சிக்கல் நிலவியது.

இந்த நிலையில் இங்கிலாந்து அரசுடனான பேச்சுவார்த்தைக்கு பின் திட்டமிட்டபடி இந்தியா, நியூசிலாந்து அணிகள் இடையிலான இறுதி போட்டி பாதுகாப்பு வளையத்திற்குள் சவுதாம்டன் நகரில் நடைபெறும் என்று தெரிவிக்கப்பட்டுள்ளது.