தமிழக முதல்வர் ஸ்டாலின் வீட்டில் வெடிகுண்டு வைக்கப்பட்டிருப்பதாக அடையாளம் தெரியாத நபர் ஒருவர் போலீசிடம் தெரிவித்ததைத் தொடரர்ந்து ஆழ்வார்பேட்டையிலுள்ள முதல்வரின் வீட்டில் வெடிகுண்டு தடுப்பு பிரிவினர் மோப்ப நாய்களின் உதவியோடு சோதனை நடத்தினர்.
பல மணி நேரம் மேற்கொள்ப்பட்ட சோதனைக்குப் பின் அவ்வீட்டில் வெடிகுண்டு எதுவும் கண்டறியப்படவில்லை. இது தொடர்பாக தீவிர விசாரணையை மேற்கொண்ட தமிழக போலீசார் 26 வயதுடைய இளைஞர் ஒருவரை கைது செய்தனர்.
அந்த இளைஞர் மனநலம் பாதிக்கப்பட்டவர் என்பதும் தெரியவந்தது. இதனை தொடர்ந்து அந்த இளைஞரின் பெற்றோர் விசாரிக்கப்பட்டதோடு அவர்கள் எச்சரிக்கட்டனர்.
மனநலம் பாதிக்கப்பட்ட அந்த இளைஞர் ஏற்கனவே முன்னாள் முதல்வர் எடப்பாடி பழனிசாமி, நடிகர் ரஜினி, விஜய். அஜீத் ஆகியோரின் வீடுகளிலும் வெடிகுண்டு மிரட்டல் விடுத்தவர் என தமிழக போலீசார் தெரிவித்தனர்.
