கடந்த 2 நாட்களாக விலையில் மாற்றமின்றி விற்பனை செய்யப்பட்ட பெட்ரோல், டீசல் விலை இன்று மீண்டும் விலை உயர்ந்து வாகன ஓட்டிகளை அதிர்ச்சி அடையச் செய்துள்ளது.
சர்வதேச சந்தையில் நிலவும் கச்சா எண்ணெய் விலையின் அடிப்படையில் பெட்ரோல், டீசல் விலைகளை எண்ணெய் உற்பத்தி நிறுவனங்கள் நிர்ணயம் செய்கின்றன.
நாடு முழுவதும் கொரோனா வைரஸ் பரவலை தடுக்க, கடந்த ஆண்டு மார்ச் மாதம் இறுதியில் ஊரடங்கு அமல்படுத்தப்பட்டது. இதனால், மே மாதம் வரை பெட்ரோல், டீசல் விலையில் எந்த மாறுதலும் செய்யாமல் இருந்த பொதுத்துறை எண்ணெய் நிறுவனங்கள் தற்போது அவற்றின் விலையை உயர்த்தி வருகின்றன.
சென்னையில் நேற்று பெட்ரோல், லிட்டர் 94.86 ரூபாய், டீசல் லிட்டர் 88.87 ரூபாய்க்கும் விற்பனை செய்யப்பட்டது. இந்நிலையில், இன்று பெட்ரோல் விலை 20 காசுகள் உயர்ந்து லிட்டர் பெட்ரோல் 95.06 ரூபாய்க்கும், டீசல் விலை 24 காசு அதிகரித்து லிட்டர் டீசல் 89.11 ரூபாய்க்கும் விற்பனை செய்யப்படுகிறது.
