மீண்டும் விஜய்யுடன் இணையும் காஜல் அகர்வால்

விஜய்யுடன் ‘துப்பாக்கி’, ‘ஜில்லா’ ஆகிய படங்களில் இணைந்து நடித்தவர் காஜல் அகர்வால். இந்நிலையில், ‘பைரவா’ படத்தை தொடர்ந்து விஜய், அட்லி இயக்கும் புதிய படத்தில் நடிக்கவிருக்கிறார். இப்படத்திற்கான கதாநாயகி தேடுதல் வேட்டை தீவிரமாக நடைபெற்று வந்தது.

இந்நிலையில், தற்போது விஜய்க்கு ஜோடியாக காஜல் அகர்வாலை நடிக்க வைக்கலாம் என முடிவு செய்து, அவரையே ஒப்பந்தம் செய்துள்ளதாக தகவல்கள் வெளியாகியுள்ளது. காஜல் அகர்வால் தற்போது அஜித் நடித்து வரும் ‘தல 57’ படத்திலும் கதாநாயகியாக நடித்து வருகிறார் என்பது குறிப்பிடத்தக்கது.

ஒரே நேரத்தில் விஜய், அஜித் என முன்னணி கதாநாயகர்களுடன் ஜோடி சேர்ந்தது காஜல் அகர்வாலுக்கு சந்தோஷத்தை கொடுத்துள்ளதாக கூறப்படுகிறது. விஜய்-காஜல் அகர்வால் மீண்டும் இணையும் படத்தை தேனாண்டாள் பிலிம்ஸ் நிறுவனம் பிரம்மாண்டமாக தயாரிக்கிறது. இப்படத்தின் படப்பிடிப்பு பெரும்பாலும் அமெரிக்காவில் நடத்த திட்டமிட்டுள்ளார்களாம். பிப்ரவரியில் படப்பிடிப்பு தொடங்கும் என எதிர்பார்க்கப்படுகிறது.