ரியல்மீ தனது புதிய X-சீரிஸ் ஸ்மார்ட்போன்களான X9 மற்றும் X9 புரோ ஆகியவற்றை அறிமுகப்படுத்த தயாராகி வருகிறது. கடந்த செப்டம்பரில் சீனாவில் அறிவிக்கப்பட்ட ரியல்மீ X7 மற்றும் X7 புரோ மாடல்களின் மேம்பட்ட பதிப்பாக இவை இருக்கும். இப்போது ரசிகர்களுக்கு சர்ப்ரைஸ் தரும் ஒரு நியூஸ் ஆக வரவிருக்கும் புதிய போனின் விலை விவரங்கள் மற்றும் விவரக்குறிப்புகள் கசிந்துள்ளது.
சமீபத்திய தகவலின்படி, X9 தொடரின் விலைகள் CNY 2,000 (தோராயமாக ரூ.22,770) முதல் தொடங்கும் என்றும், குவால்காம் ஸ்னாப்டிராகன் செயலிகளில் இருந்து ஆற்றல் பெறும் என்றும் தெரியவந்துள்ளது.
ரியல்மீ X9 மற்றும் X9 புரோ மெலிதான பெசல்களுடன் பஞ்ச்-ஹோல் வடிவமைப்பையும், பாதுகாப்பான பயோமெட்ரிக் அங்கீகாரத்திற்கான டிஸ்பிளே கைரேகை சென்சாரையும் கொண்டிருக்கும் என்று எதிர்பார்க்கப்படுகிறது.
வெண்ணிலா மாடல் 6.4-இன்ச் ஃபுல்-HD+ (1080×2400 பிக்சல்கள்) AMOLED திரையைத் கொண்டிருக்கும், அதே நேரத்தில் X9 புரோ 6.55 அங்குல முழு HD+ (1080×2400 பிக்சல்கள்) வளைந்த AMOLED டிஸ்ப்ளே 120 Hz புதுப்பிப்பு வீதத்தைக் கொண்டிருக்கும்.
ரியல்மீ X9 இல் 64 MP முதன்மை சென்சார், 8 MP அல்ட்ரா-வைட் லென்ஸ், 2 MP மேக்ரோ ஷூட்டர் மற்றும் 2 MP ஆழம் கொண்ட லென்ஸ் அடங்கிய குவாட் ரியர் கேமரா அமைப்பு பொருத்தப்பட்டிருக்கும்.
ரியல்மீ X9 புரோ 108 MP மெயின் சென்சார், 13 MP அல்ட்ரா-வைட் லென்ஸ் மற்றும் 13 MP டெலிஃபோட்டோ ஸ்னாப்பர் உள்ளிட்ட மூன்று பின்புற கேமராக்களை கொண்டிருக்கும்.
செல்ஃபிக்களுக்கு, 32MP முன் எதிர்கொள்ளும் கேமரா இருக்கும்.
ரியல்மீ X9 மற்றும் X9 புரோ முறையே ஸ்னாப்டிராகன் 778G மற்றும் ஸ்னாப்டிராகன் 870 சிப்செட் உடன் இயக்கப்படுகிறது, இவை 12 ஜிபி RAM மற்றும் 256 ஜிபி வரை ஸ்டோரேஜ் உடன் இணைக்கப்பட்டுள்ளது.
உட்புறத்தில், தொலைபேசிகள் ஆண்ட்ராய்டு 11-அடிப்படையிலான ரியல்மீ UI 2.0 உடன் இயங்கும், மேலும் 65W ஃபாஸ்ட் சார்ஜிங் ஆதரவுடன் 4,300 mAh / 4,400 mAh பேட்டரியைப் (டூயல் செல்) பேக் செய்யும் என்று எதிர்பார்க்கப்படுகிறது.
ரியல்மீ X9 விலை சுமார் CNY 2,000-2,500 (தோராயமாக ரூ. 22,800-28,500), X9 புரோ CNY 2,500-3,000 (தோராயமாக ரூ. 28,500-34,000) இருக்கும் என்று எதிர்பார்க்கப்படுகிறது. அதிகாரப்பூர்வ விலை விவரங்கள் வரும் வாரங்களில் தொடங்கப்படும் நேரத்தில் அறிவிக்கப்படும்.
