ஜல்லிக்கட்டுக்கு ஆரம்பத்திலிருந்தே தனது ஆதரவை தெரிவித்து வருபவர் நடிகர் கமல்ஹாசன்.
அவர் அளித்துள்ள பேட்டியில், மாணவர்கள் என்றாலே ஏதாவது சண்டை, பிரச்சனை போன்ற விடயங்களில் ஈடுபட்டு அதை செய்திகளாக வருவதை தான் நாம் இதுவரை பார்த்திருக்கிறோம்.
ஆனால் தற்போது முதல் முறையாக எல்லோரும் பெருமைப்படும் அளவுக்கு மாணவர்கள் ஜல்லிக்கட்டுக்காக இந்த போரட்டத்தில் ஈடுப்பட்டுள்ளனர்.
இந்த நிகழ்வால் மாணவர்கள் அரசியல்வாதிகளை மூச்சு திணற ஓட வைத்திருக்கிறார்கள்.
மேலும், சினிமா நட்சத்திரங்கள் யாரும் இந்த போராட்டத்தில் கலந்து கொள்ளகூடாது என கூறிய கமல், அவர்கள் கலந்து கொண்டால் மீடியாவின் வெளிச்சம் தேவையில்லாமல் அவர்கள் மேல் விழும்.
இது கூடாது. உண்மையாக போராடுபவர்களை இது தொல்லை செய்வது போல ஆகிவிடும். அதனால் நான் அதில் போய் கலந்து கொள்ளவில்லை என கூறியுள்ளார்.
மேலும், போராட்டங்களில் ஈடுப்படும் மாணவர்களை யாரும் மிரட்ட கூடாது எனவும் கமல் வலியுறுத்தியுள்ளார்.
