எரிபொருள் விலை அதிகரிக்கப்பட்டமையால் முச்சக்கர வண்டிக்கான பயணக்கட்டணம் அதிகரித்தது

எரிபொருள் விலை அதிகரிக்கப்பட்டமையை தொடர்ந்து பயணக்கட்டணமாக கிலோ மீற்றருக்கு 50 ரூபாய் அறவிடவுள்ளதாக அகில இலங்கை முச்சக்கர வண்டி சாரதிகளின் சங்கம் மற்றும் உரிமையாளர்களின் சங்கத்தின் தலைவர் சுதில் தில்ருக் தெரிவித்துள்ளார்.

கொரோனா தொற்றினால் கடுமையாக பாதிக்கப்பட்டிருந்த முச்சக்கர வண்டி சாரதிகளுக்கு திடீரென அதிகரிக்கப்பட்ட எரிபொருள் விலையை தாக்கிக் கொள்ள முடியாதெனவும் அவர் குறிப்பிட்டுள்ளார்.

இது குறித்து மேலும் கருத்து வெளியிட்டுள்ள அவர், முச்சக்கர வண்டி சாரதிகளுக்கு இதுவரையில் தற்போதைய அரசாங்கத்தால் எவ்வித நிவாரணமும் வழங்கப்படவில்லை.

வேறு வழியில்லாத காரணத்தினாலேயே இந்த கட்டணத்தை அதிகரிக்க நேரிட்டதென அவர் குறிப்பிட்டுள்ளார்.