“ பி “ பிரிவில் உள்ள பிரேசில்- ஈக்வடார் அணிகள் மோதின. இந்த ஆட்டம் 1–1 என்ற கோல் கணக்கில் டிரா ஆனது.
47-வது கோபா அமெரிக்க கோப்பை கால்பந்து போட்டி பிரேசிலில் நடைபெற்று வருகிறது.
இந்திய நேரப்படி அதிகாலை 2.30 மணிக்கு நடந்த ஆட்டத்தில் “ பி “ பிரிவில் உள்ள பிரேசில்- ஈக்வடார் அணிகள் மோதின. இந்த ஆட்டம் 1–1 என்ற கோல் கணக்கில் டிரா ஆனது. பிரேசில் அணியில் மிலிட்டோவும் (37-வது நிமிடம் ), ஈக்வடார் அணியில் மெனாவும் (57-வது நிமிடம்) கோல் அடித்தனர்.
இதே பிரிவில் நடந்த மற்றொரு ஆட்டத்தில் பெரு-வெனிசூலா அணிகள் மோதின. இதில் பெரு 1-0 என்ற கோல் கணக்கில் வெற்றி பெற்றது. அந்த அணி பெற்ற 2-வது வெற்றி இதுவாகும். பெரு அணிக்காக கேரில்லோ 48-வது நிமிடத்தில் கோல் அடித்தார்.
“பி” பிரிவில் லீக் ஆட்டங்கள் முடிந்து விட்டன. பிரேசில் 3 வெற்றி, ஒரு டிராவுடன் 10 புள்ளிகள் பெற்று முதலிடத்தையும், பெரு 7 புள்ளியுடன் 2–வது இடத்தையும் (2 வெற்றி, ஒரு டிரா, ஒரு தோல்வி), கொலம்பியா 4 புள்ளியுடன் 3-வது இடத்தையும் (ஒரு வெற்றி, ஒரு டிரா, 2 தோல்வி), ஈக்வடார் 3 புள்ளிகளுடன் 4–வது இடத்தையும் (3 டிரா, ஒரு தோல்வி ) பிடித்து கால் இறுதிக்கு தகுதி பெற்றன.
வெனிசுலா 2 டிரா, 2 தோல்வியுடன் 2 புள்ளிகள் பெற்று 5-வது இடத்தை பிடித்து வாய்ப்பை இழந்தது. அர்ஜென்டினா- பொலிவியா ‘ஏ’ பிரிவில் நடக்கும் கடைசி ஆட்டத்தில் அர்ஜென்டினா-பொலிவியா, உருகுவே-பராகுவே அணிகள் மோதுகின்றன. அர்ஜென்டினா 2 வெற்றி, ஒரு டிராவுடன் 7 புள்ளிகள் பெற்று உள்ளது. பொலிவியா தான் மோதிய 3 ஆட்டங்களிலும் தோல்வியை தழுவியிருந்தது. இந்த பிரிவில் இருந்து அர்ஜென்டினா, பராகுவே, சிலி, உருகுவே ஆகிய அணிகள் ஏற்கனவே கால்இறுதிக்கு தகுதி பெற்றிருந்தன.
