அமெரிக்காவில் 68 வயது நபரை காதலிக்கும் 24 வயது பெண் தங்கள் இருவருக்கும் இடையே காதல் குறித்து பேசியுள்ளார்.
24 வயது மதிக்கத்தக்க Conni Cotten என்ற இளம் பெண், கடந்த மூன்று ஆண்டுகளுக்கு முன்பு ஒரு தன்னார்வ தொண்டின் போது, 68 வயது மதிக்கத்தக்க Herb Dickerson என்பவரை சந்தித்துள்ளார்.
அதன் பின் இருவரும் தொடர்ந்து ஒரு நல்ல நண்பர்களாக பேசி வந்துள்ளனர். அதைத் தொடர்ந்து எங்கு சென்றாலு, இருவரும் ஒன்றாக வெளியில் செல்வதை வாடிக்கையாக வைத்துள்ளனர்.
இந்நிலையில், இந்த ஜோடி தங்களுடைய கடந்த ஆண்டு தங்கள் காதலை வெளிப்படுத்தி, நிச்சயதார்த்தம் செய்து கொண்டது. ஆனால், Conni Cotten அவரை பணத்திற்காக மட்டுமே காதல் செய்கிறார் என்ற இணையவாசிகள் பலரும் கூறி வருகின்றனர்.
இது குறித்து Conni Cotten கூறுகையில், நாங்கள் இருவரும் ஒன்றாக காதலிக்கிறோம் என்றவுடன் பலர் அதிர்ச்சியடைந்தனர். நான் அவரை காதலித்த பின்பு, எனக்கு கிடைக்கும் பொதுவான கருத்து என்னவென்றால், நான் அவருடைய பணத்திற்காக இருக்கிறேன்.
அதுமட்டுமின்றி அவர் என்னுடைய உடலுக்காக இருப்பதாக கூறுகின்றனர். ஆனால், அப்படி இல்லை. என் குடும்பமும் ஆரம்பத்தில் இதைக் கேட்டு அதிர்ச்சியடைந்தனர்.
அதன் பின் அவர்களும் காலப்போக்கில் எங்களை ஏற்றுக் கொண்டனர். ஏனெனில், அவர் என்னை எவ்வளவு நேசிக்கிறார், சந்தோஷப்படுத்துகிறார் என்பதை அவர்கள் தெரிந்து கொண்டனர்.
இந்த ஜோடி இருவரும் போதைப் பொருள் பழக்கத்தில் இருந்து மீண்டு வந்துள்ளனர். இதைப் பற்றி இருவரும் அடிக்கடி பேசிக் கொண்டே போதே, இருவருக்கும் காதல் பற்றிக் கொண்டுள்ளது.
இவர்களின் காதல் குறித்து, Herb Dickerson கூறுகையில், முதலில் எனக்கு என்ன நினைப்பது என்று தெரியவில்லை. அவர் என்னுடன் சேர்ந்து ஊர் சுற்றுவது என்பது அசாதாரணமானது.
அவள் பணத்திற்காக தன்னுடன் ஊர் சுற்றுவதாக கூறப்பட்டது. இந்த கொரோனா காலகட்டம் இருவரையும் சரியாக புரிந்து கொள்ள உதவியது, குடும்பத்தினரும் புரிந்து கொண்டனர்.
நாங்கள் இரண்டு பேரும் வெவ்வேறு இனங்களைச் சேர்ந்தவர்கள், எனவே இது ஒரு கலாச்சார அதிர்ச்சியாகவும் அவர்களுக்கும் இருந்தது. இருப்பினும், நான் அவருடன் ஒன்றாக நேரத்தை செலவிட விரும்புகிறேன் என்று கூறியுள்ளார்.
