சென்னை : பட்டப்பகலில் கல்லூரி மாணவி ஒருவருக்கு தாம்பரம் ரயில் நிலையத்தின் அருகே கத்திக் குத்து சம்பவம் நடைபெற்று இருப்பது பெரும் பரபரப்பை ஏற்படுத்தியுள்ளது.
சென்னையை அடுத்த தாம்பரம் ரயில் நிலைய வாயில் அருகே கல்லூரி மாணவி ஸ்வேதா என்பவரை இளைஞர் கத்தியால் குத்திய சம்பவம் பெரும் பரபரப்பையும், அதிர்ச்சியையும் ஏற்படுத்தியுள்ளது.
தாம்பரம் ரயில் நிலையம் வாயில் அருகே கல்லூரி மாணவி ஸ்வேதாயை கத்தியால் ஒரு இளைஞர் குத்தி உள்ளார். பின்னர் அந்த இளைஞர் தனது கழுத்தை அறுத்துக் கொண்டு தற்கொலைக்கு முயற்சி செய்து உள்ளார்.
இருவரும் இரத்த வெள்ளத்தில் கிடப்பதை பார்த்த பொதுமக்கள், உடனடியாக காயம் அடைந்த 2 போரையும் மீட்டு சிகிச்சைக்காக குரோம்பேட்டை அரசு மருத்துவமனையில் அனுமதித்துள்ளனர். மேலும் சேலையூர் போலீசாருக்கு இந்த சம்பவம் குறித்து தகவல் கொடுக்கப்பட்டது.
தகவல் அறிவித்து வந்த போலீசார், “காதல் விவகாரத்தில் கல்லூரி மாணவியை இளைஞர் கத்தியால் குத்தினாரா என்று போலீசார் வழக்குப்பதிவு செய்து விசாரணை மேற்கொண்டு வருகின்றனர்.
