யாழ் மாவட்டத்தில் நேற்று 25 பேருக்கு கொரோனா தொற்று உறுதியானது. பிசிஆர் சோதனைகளில் 7 பேரும், துரித அன்டிஜன் சோதனைகளில் 18 பேரும் தொற்றுடன் அடையாளம் காணப்பட்டனர்.
நேற்று யாழ்ப்பாணம் போதனா வைத்தியசாலையில் மேற்கொள்ளப்பட்ட பிசிஆர் சோதனைகளில், யாழ் மாவட்டத்தை சேர்ந்த 7 பேருக்கு தொற்று உறுதியானது.
யாழ்ப்பாணம் போதனா வைத்தியசாலையில் 4 பேருக்கு தொற்று உறுதியானது. இதில் 2 வயதான பெண் குழந்தையும் உள்ளடங்குகிறது.
சாவகச்சேரி ஆதார வைத்தியசாலையில் 2 பேர், பலாலி பொலிஸ் நிலைய உத்தியோகத்தர் ஒருவர் என யாழ் மாவட்டத்தில் 7 பேர் தொற்றிற்குள்ளாகினர்.
இதுதவிர, யாழ் மாவட்டத்தில் மேற்கொள்ளப்பட்ட அன்டிஜன் சோதனைகளில் 18 பேருக்கு தொற்று உறுதியானது.
காரைநகர் சுகாதார வைத்திய அதிகாரி பிரிவில் ஒருவர், கோப்பாய் சுகாதார வைத்திய அதிகாரி பிரிவில் 2 பேர் (அச்சுவேலி தெற்கை சேர்ந்த 1 மாத வயதுடைய பெண் குழந்தையும் உள்ளடக்கம்), மருதங்கேணி சுகாதார வைத்திய அதிகாரி பிரிவில் 2 பேர், நல்லூர் சுகாதார வைத்திய அதிகாரி பிரிவில் 2 பேர், பருத்தித்துறை சுகாதார வைத்திய அதிகாரி பிரிவில் 6 பேர், சண்டிலிப்பாய் சுகாதார வைத்திய அதிகாரி பிரிவில் 4 பேர், உடுவில் சுகாதார வைத்திய அதிகாரி பிரிவில் ஒருவர் என 18 பேருக்கு தொற்று உறுதியானது.
இதேவேளை, யாழ்ப்பாணம் போதனா வைத்தியசாலையில் ஆய்வுகூடத்தில் நேற்று மேற்கொள்ளப்பட்ட பிசிஆர் சோதனையில் நேற்று 28 பேருக்கு தொற்று உறுதியானது.
யாழ் மாவட்டத்தில் 7 பேருக்கு தொற்று உறுதியானது.
முல்லைத்தீவு மாவட்டத்தில், வெலி ஓயா சுகாதார வைத்திய அதிகாரி பிரிவில் 3 பேர், முல்லைத்தீவு மாவட்ட வைத்தியசாலையில் 2 பேர் (உயிரிழந்த 79 வயது பெண் உள்ளடங்கலாக), ஒட்டுசுட்டான் பொது வைத்தியசாலையில் ஒருவர் என, 6 பேருக்கு தொற்று உறுதியானது.
வவுனியா மாவட்டத்தில், வவுனியா சுகாதார வைத்திய அதிகாரி பிரிவில் 7 பேர், வவுனியா பொது வைத்தியசாலையில் ஒருவர் என, 8 பேருக்கு தொற்று உறுதியானது.
கிளிநொச்சி பொது வைத்தியசாலையில் ஒருவருக்கு தொற்று உறுதியானது.
மன்னார் பொது வைத்தியசாலையில் 6 பேருக்கு தொற்று உறுதியானது. (12 வயது சிறுவன், 18, 20 வயதான யுவதிகளும் உள்ளடக்கம்)
