யாழ்ப்பாணத்தில் கோடரி வெட்டில் முடிந்த குடும்ப தகராறு; இருவருக்கு நேர்ந்த துயரம்!

யாழ்ப்பாணம் இளவாலை – உயரப்புலம் பகுதியில், நேற்று இரவு, குடும்பத்தகராறு கோடாரி வெட்டில் முடிந்ததில் இருவர் படுகாயமடைந்துள்ள நிலையில் மருத்துவமனையில் அனுமத்திக்கப்பட்டுள்ளனர்.

சம்பவத்தில் படுகாயமடைந்த 18 வயதுடைய இளைஞனும் 30 வயதுடைய நபருமே, இவ்வாறு கோடாரி வெட்டுக்கு இலக்காகியுள்ள நிலையில் தெல்லிப்பளை ஆதார வைத்தியசாலையில் அனுமதிக்கப்பட்டுள்ளனர்.

உறவினர்களுக்கு இடையிலான முரண்பாடு நேற்றைய தினம் இரவு முற்றிய நிலையிலேயே, கோடாரி வெட்டு தாக்குதல் நடைபெற்று உள்ளதாக, ஆரம்ப கட்ட விசாரணைகளில் தெரியவந்துள்ளது.

இந்நிலையில் சம்பவம் தொடர்பிலான மேலதிக விசாரணைகளை இளவாலை பொலிஸார் முன்னெடுத்துள்ளனர்.