பாகிஸ்தான் அணிக்கு எதிரான மூன்றாவது டி20 போட்டியில், மேற்கிந்திய தீவு அணியின் அதிரடி ஆட்டக்காரர் பிராண்டன் கிங்ஸ் போல்டாகி வெளியேறும் வீடியோ இணையத்தில் அதிக அளவில் பகிரப்பட்டு வருகிறது.
மேற்கிந்திய தீவு அணி, பாகிஸ்தானில் சுற்றுப்பயணம் மேற்கொண்டு முதலில் மூன்று டி20 போட்டிகள் கொண்ட தொடரில் விளையாடியது.
இதில் கடந்த 17-ஆம் திகதி நடைபெற்ற கடைசி டி20 போட்டியில், முதலில் ஆடிய மேற்கிந்திய தீவு அணி 20 ஓவர் முடிவில் 3 விக்கெட் இழப்பிற்கு 207 ஓட்டங்கள் அடிக்க, அதன் பின் ஆடிய பாகிஸ்தான் அணி 18.5 ஓவரில் 3 விக்கெட் இழப்பிற்கு 208 ஓட்டங்கள் எடுத்து 7 விக்கெட்டுகள் வித்தியாசத்தில் வெற்றி பெற்றது.
இந்த வெற்றியின் மூலம் மூன்று போட்டிகள் கொண்ட தொடரை, 3-0 என பாகிஸ்தான் கைப்பற்றியது.
இந்நிலையில், இப்போட்டியில் மேற்கிந்திய தீவு அணி பேட்டிங் செய்து கொண்டிருந்த போது, ஆட்டத்தின் 5.4-வது பந்தை அந்தணியின் வேகப்பந்து வீச்சாளர் மொகமது வாசிம் வீச, அப்போது அந்த பந்தை எதிர் கொண்ட பேட்ஸ்மேன் பிராண்டன் கிங் சிக்ஸர் பறக்கவிடுவார்.
இதனால் சற்று கோபமடைந்த மொகமது வாசிம், அடுத்த பந்தை அற்புதமாக ஆப் ஸ்டம்ப் நோக்கி வீசி போல்டாக்கிவிடுவார். இதை சற்று எதிர்பார்க்காத கிங் அவுட் ஆகி அப்படியே வெளியேறுவார். இந்த வீடியோ தற்போது இணையத்தில் அதிக அளவில் பகிரப்பட்டு வருகிறது.
