ஹரி இயக்கத்தில் சூர்யா நடிப்பில் உருவாகியுள்ள சிங்கம் படத்தின் மூன்றாம் பாகமான ‘சி3’ படத்திற்கு மிகப்பெரிய எதிர்பார்ப்பு ஏற்பட்டுள்ள நிலையில் வரும் 9-ம் திகதி இந்த படம் சுமார் 2000 திரையரங்குகளில் தமிழ், தெலுங்கு என இரண்டு மொழிகளில் உலகம் முழுவதும் பிரமாண்டமாக வெளியாகிறது.
இந்நிலையில் இந்த படத்தின் புதிய டீசர் தயாராகி உள்ளதாகவும், இந்த டீசரில் சூர்யா பேசிய ஆங்கில பஞ்ச் டயலாக் இருப்பதாகவும் தகவல்கள் வெளிவந்துள்ளது.
இந்த படத்தின் பெரும்பாலான காட்சிகள் வெளிநாட்டில் படமாக்கப்பட்டதால் ஆங்கில வசனங்கள் அதிகம் இருக்கும் என்று ஏற்கனவே எதிர்பார்க்கப்பட்டது.
இந்நிலையில் ஆங்கிலத்தில் பஞ்ச் வசனங்களும் உள்ளது என்ற தகவல் சூர்யாவின் ரசிகர்களை வியப்பில் ஆழ்த்தியுள்ளது.
சூர்யா, அனுஷ்கா ஷெட்டி, ஸ்ருதிஹாசன், ராதாரவி, விவேக், நாசர், ராதிகா, சூரி, தாகூர் அனுப்சிங், சரத் சக்சேனா உள்ளிட்ட பலர் நடித்துள்ள இந்த படத்திற்கு ஹாரீஸ் ஜெயராஜ் இசையமைத்துள்ளார்.
பிரியன் ஒளிப்பதிவாளராகவும் வி.டி.விஜயன் படத்தொகுப்பாளராகவும் பணிபுரிந்துள்ள இந்த படத்தை ஸ்டுடியோக்ரீன் நிறுவனம் பெரும் பொருட்செலவில் தயாரித்துள்ளது.
