நாடளாவிய ரீதியில் பனடோலுக்கு தட்டுப்பாடு ஏற்பட்டுள்ளதாக பத்திரிகைகள் தெரிவிக்கின்றன. பரசிட்டமோலுக்கும் கடும் தட்டுப்பாடு நிலவுவதாகவும் பாவனையாளர்கள் பிரச்சினைகளை தெரிவித்தாலும் அது இலங்கையில் இல்லை என்று இராஜாங்க அமைச்சர் கூறுகிறார் என முன்னாள் சுகாதார அமைச்சர் வைத்தியர் ராஜித சேனாரத்ன தெரிவித்துள்ளார்.
கொழும்பு – மார்கஸ் பெர்னாண்டோ மாவத்தையில் அமைந்துள்ள எதிர்க்கட்சித் தலைவர் அலுவலகத்தில் இன்றைய தினம் நடைபெற்ற ஊடகவியலாளர் சந்திப்பின் போது அவர் இந்த விடயத்தினை தெரிவித்துள்ளார். தொடர்ந்தும் அவர் கருத்துத் தெரிவிக்கையில்,
இந்த அரசாங்கத்தின் வலது கைக்கு தெரியாது இடது கை என்ன செய்கிறது என்று, இப்படியானால் எவ்வாறு சுகாதாரத்துறையை முன்னோக்கி கொண்டு செல்வது.
இன்று எரிபொருள் இல்லை. எனது வாகனத்திற்கு எரிபொருள் நிரப்ப சென்ற போது 92 ஒக்டன் இல்லை என சொல்கிறார்கள். பல இடங்களில் டீசல் இல்லை. ஒரு எரிபொருள் கொள்கலன் வரும்போது அதை வரவேற்க அமைச்சர் துறைமுகம் செல்கிறார்.
இப்படிப்பட்ட பேய் அமைச்சர்கள் உலகில் எங்காவது இருக்கிறார்களா? ஒரு எரிபொருள் கொள்கலன் கப்பல் வந்ததும் அமைச்சர் இந்த வெட்கக்கேடான அமைச்சர்கள் போல வரவேற்பு நிகழ்ச்சிகளை நடத்த செல்கிறார்.
எனது அமைச்சு காலத்தில் பல்வேறு நாடுகளிலிருந்தும் அமைப்புகளிடமிருந்தும் பத்து முறை பெற்றுக் கொண்டேன். விமான நிலையம் சென்றதில்லை. ஒவ்வொரு சந்தர்ப்பத்திலும் தூதுவர் சின்னத்துடன் நான்கைந்து சிறிய பொட்டலங்களை கொண்டு வந்து அமைச்சில் கொடுத்தேன்.
நான் விமான நிலையத்திற்கு செல்லவில்லை.எரிபொருள் தட்டுப்பாடு மிக அதிகமாக உள்ளது. இன்று மின்சாரம் துண்டிக்கப்படும் நிலை ஏற்ப்பட்டுள்ளது. நேற்று இரண்டரை மணி நேரம் துண்டிக்கப்பட்டது.
இப்படி ஒரு வக்குரோத்து அரசாங்கம் வரலாற்றில் இருந்ததில்லை. இன்று மக்கள் இழுத்தடிக்கிறார்கள் உரம் இல்லை என்கிறார்கள். புதிய முறையில் விவசாயம் செய்ய இரண்டு வருடம் அவகாசம் கொடுத்தோம் என்கிறார்.
அதாவது உரம் இருந்தாலும் இல்லாவிட்டாலும் விவசாயத்தை அபிவிருத்தி செய்தேன் என்கிறார் அரச தலைவர். அவர் போய் பழைய கதை சொன்னார். இதுதான் இன்றைய நிலை. ஜூன் மற்றும் ஜூலை மாதங்களில் மின்சார நெருக்கடி உச்ச நிலையை எட்டும்.
ஆனால் மக்களின் நிலையை மறைமுகமாக சொல்லாமல் மறைக்கிறது.அதுதான் இந்த அறிஞர்கள் சேர்ந்து சொன்ன கதை. விமானி கப்பலை ஓட்டினால் அனைவருக்கும் தெரியும், ஒரு மாலுமி கப்பலை இயக்க விரும்பினால், அதுவும் சிறப்பாக ஓட்டுவார்.
ஒரு அறுவை சிகிச்சை நிபுணர் சத்திர சிகிச்சை மேற்கொள்ள விரும்பினால், ஒரு அறுவை சிகிச்சை நிபுணரால் அதை செய்ய முடியும், எந்த கோமாளிகளாலும் வேடிக்கை பார்க்க முடியாது.
இந் நாட்டின் ஆட்சி நிர்வாகம் நகைச்சுவை நடிகர்களின் கைகளில் கொடுக்கப்பட்டுள்ளது. வீதிகள் அமைப்பதற்கு முன்னர் மக்களுக்கு உணவு வழங்க வேண்டும் என திஸ்ஸ விதாரண பத்திரிகை ஒன்றில் கூறுகின்றார்.
இவ்வளவு வீதிகள் ஏன் அமைக்கப்பட வேண்டும் என ஆட்சியாளர்களிடம் கேட்க வேண்டியுள்ளது. வீதிகள் அமைப்பதிலுள்எ பாரிய ஊழல் இடம் பெறுவதாகவும் கூறினார்.
அரசாங்கம் மருந்துகளை இறக்குமதி செய்யாததற்கு ஒரு காரணம், டொலர்கள் இல்லை, இரண்டாவது காரணம் மருந்துகளுக்கான விலைக் கட்டுப்பாடுகள் இல்லை என்பனவாகும்.
எமது அரசாங்கம் ஆட்சிக்கு வந்தால் இதை கட்டுப்படுத்தும் திறன் தெளிவாக இருக்கும் என்று கூறுகிறேன்.
இது பழங்குடியின அரசாட்சியாகும். உலக சட்டத்தை மதிக்காது போக்கில் செயற்படுகிறது. ஐ.நா.சட்டங்களை மதிக்காது உள்ளனர். சர்வதேச ஏற்பாடுகளுக்கு அமைய ஆட்சியை கொண்டு செல்லாததால் பிச்சை எடுத்து நாட்டை முன் கொண்டு செல்ல வேண்டிய நிலைக்கு தள்ளப்பட்டுள்ளன.
கடன்பட்ட குடும்பங்கள் எப்பொழுதும் நாட்டில் இருக்கிறார்கள். காட்டு யுகத்தில் இருக்கிறோம் அல்ல என்பதை ஆட்சியாளர்கள் புரிந்து கொள்ள வேண்டும். கடந்த வருடங்களில் சர்வதேச பிரச்சினைகள் புதிதாக வரவில்லை. இன்று அனைத்தும் தலைகீழாக மாறி வங்குரோத்தை நோக்கியே நாடு செல்கிறது என்றும் அவர் மேலும் தெரிவித்துள்ளார்.
