மோர் குழம்பில் பல வகைகள் உண்டு. வாரத்தில் 2 முறையாவது தயிர், மோர், கூழ் போன்ற உணவுகளை எடுத்துக் கொள்வது மிக மிக நல்லது. நம்ம ஊர் மோர் குழம்பு எப்படி வைக்கலாம் என்பதை பற்றி இங்கே பார்ப்போம்…
தேவையான பொருட்கள்
துவரம் பருப்பு, காய்ந்த மிளகாய், சின்ன வெங்காயம், கறிவேப்பிலை, கடுகு, தயிர், பச்சை மிளகாய், மஞ்சள் தூள்
செய்முறை விளக்கம்
முதலில் 30 நிமிடம் ஊற வைத்த ஒரு கை அளவு துவரம் பருப்பை மிக்சியில் மைய அரைக்க வேண்டும். அதோடு, பருப்புடன் பச்சை மிளகாய் மற்றும் இஞ்சி , சீரகம் சேர்த்து நன்கு அரைத்துக் கொள்ள வேண்டும்.
இப்போது தயிரை மோர் போல் அடித்து, தனியாக வைக்கவும். பின்னர் கடாயில் எண்ணெய் ஊற்றி, கடுகு, காய்ந்த மிளகாய், கறிவேப்பிலை, சின்ன வெங்காயம் போட்டு தாளித்து அதில் அரைத்து வைத்துள்ள பருப்பை சேர்க்க வேண்டும்.
அதில் தயிர் கரைசலை சேர்த்து தேவையான உப்பு, மஞ்சள் தூள் சேர்த்து மோர் குழம்பு பதத்திற்கு கொண்டு வர வேண்டும்.
இறுதியாக கறிவேப்பிலை, கொத்தமல்லி தூவி இறக்கினால் சுவையான டேஸ்டியான 10 நிமிடத்தில் செய்யகூடிய மோர் குழம்பு தயார்.
