விஜய் – அட்லி இணையும் `விஜய் 61′ படத்தின் படப்பிடிப்பு பிப்ரவரி 2-ம் தேதி சென்னையில் தொடங்கியுள்ளது. காஜல் அகர்வால், சமந்தா, சத்யராஜ், எஸ்.ஜே.சூர்யா, ஜோதிகா, வடிவேல், சத்யன் என மிகப்பெரிய நட்சத்திர பட்டாளங்கள் இணைந்துள்ள இப்படத்தை ஸ்ரீதேனாண்டாள் பிலிம்ஸ் நிறுவனம் தயாரித்து வருகிறது.
மேலும், இப்படத்தில் ஏ.ஆர்.ரகுமான் இசையமைக்க, கே.விஷ்ணு ஒளிப்பதிவு செய்கிறார். மேலும், படத்தொகுப்புக்கு ரூபன், கலைக்கு முத்துராஜ், சண்டைப்பயிற்சிக்கு அனல் அரசு, திரைக்கதைக்கு விஜயேந்திர பிரசாத் என பிரபல டெக்னீசியன்களும் கைகோர்த்துள்ளதால் இப்படத்தின் மீதான எதிர்பார்ப்பு அதிகரித்துள்ளது.
நடிப்பை தவிர்த்து விஜய்க்கு நடனம், பாடல் உள்ளிட்ட துறைகளிலும் ஆர்வம் இருப்பதால் அவரது படங்களிலேயே அவ்வப்போது பாடல்களையும் பாடி வருகிறார். முன்னணி இசையமைப்பாளர்களில் ஏ.ஆர். ரகுமான் இசையில் மட்டும் இன்னும் பாடாத நிலையில், `விஜய் 61′ படத்தில் ஏ.ஆர்.ரகுமான் இசையில் விஜய் பாடக்கூடும் என்று எதிர்பார்க்கப்படுகிறது.
