‘விஜய் 61’ ஜோதிகாவிற்கு பதிலாக நித்யா மேனன்

‘தெறி’ வெற்றிக்கு பிறகு மீண்டும் நடிகர் விஜய் – அட்லீயுடன்  கூட்டணி அமைத்து, தற்போது நடித்து வரும் படம் ‘விஜய் 61’. ஸ்ரீதேனாண்டாள் பிலிம்ஸின் 100வது படமாக, பிரம்மாண்ட தயாரிப்பில் உருவாகி வரும் இந்த படத்தில் விஜய்யுடன் ஜோதிகா, சமந்தா, காஜல் அகர்வால் ஆகிய நடிகைகள் நடிக்க உள்ளதாக  அதிகாரபூர்வ தகவல் வெளியானது  . மேலும் இந்த படத்தில் எஸ்.ஜே.சூர்யா, சத்யராஜ், வடிவேலு ஆகியோரும் நடிக்க உள்ளதோடு, இசை புயல் ஏ.ஆர்.ரஹ்மான் இந்த படத்திற்கு இசையமைக்க உள்ளார் எனவும் தெரிவிக்கப்பட்டிருந்தது.

கடந்த வாரம் ஈசிஆரில் உள்ள பண்ணை வீடு ஒன்றில் நடந்த முதல் நாள் படப்பிடிப்பின் போது விஜய், ஜோதிகா தொடர்பான காட்சிகள் எடுக்கப்பட்டதாக கூறப்பட்டு வந்த நிலையில். தற்போது ஜோதிகாவிற்கு பதிலாக அந்த கதாபாத்திரத்தில் நித்ய மேனன் நடிக்க இருப்பதாக நம்ப தகுந்த வட்டாரங்கள் தெரிவிக்கின்றன. தொடக்கத்தில்  ஜோதிகா நடிக்க உள்ளார் என கூறி தற்போது அவர் விலகியதற்கான காரணம் இதுவரை தெரியவில்லை.