பொதுவாக முட்டையை கொண்டு பல விதமான டிஷ்களை செய்யலாம். அந்த வகையில், சுவையான உருளைக்கிழங்கை வைத்து ஆம்லெட் செய்வது எப்படி என்பதை பற்றி பார்ப்போம்.
தேவையான பொருட்கள்
முட்டை – 5
உருளைக்கிழங்கு – 2
மிளகாய் – 5
பெரிய வெங்காயம் – 1
வெண்ணெய் – சிறிதளவு
உப்பு – தேவையான அளவு
கறிவேப்பிலை, கொத்தமல்லி தழை – சிறிதளவு
செய்முறை விளக்கம்
முதலில் கொத்தமல்லி, வெங்காயம், ப.மிளகாயை பொடியாக நறுக்கி கொள்ளவும்.
உருளைக்கிழங்கை தோல் நீக்கி மெலிதாக சீவி, எண்ணெயில் போட்டு பொரித்தெடுத்து கொள்ளவும்.
ஒரு பாத்திரத்தில் முட்டையை உடைத்து ஊற்றி, அதனுடன் உப்பு சேர்த்து நன்றாக கலந்து கொள்ளவும். அத்தோடு, வெங்காயம், உருளைக்கிழங்கு, கொத்தமல்லி தழை, கறிவேப்பிலை ஆகியவற்றை சேர்த்து கிளறிக்கொள்ளவும்.
நான்ஸ்டிக் தவாவை அடுப்பில் வைத்து சூடானதும் வெண்ணெய் தடவி உருளைக்கிழங்கு முட்டை கலவையை ஊற்றி ஆம்லெட் போல வேகவிடவும்.
பின் நன்கு வெந்ததும் மறுபக்கம் திருப்பி போட்டு வேக வைத்து எடுத்து பரிமாறலாம். சூப்பரான உருளைக்கிழங்கு ஆம்லெட் ரெடி.
