சூப்பர்-12 சுற்றுக்கு முன்னேறுவது யார்? ஜிம்பாப்வே அணிக்கு 133 ரன்கள் இலக்கு நிர்ணயித்தது ஸ்காட்லாந்து

• ஸ்காட்லாந்து அணியின் துவக்க வீரர் ஜார்ஜ் முன்சே 54 ரன்கள் சேர்த்தார்.
• ஜிம்பாப்வே தரப்பில் டெண்டாய் சதாரா, ரிச்சர்டு நிகாரவா தலா 2 விக்கெட் எடுத்தனர்.

டி20 உலகக் கோப்பை முதல் சுற்றில் குரூப்-பி பிரிவில் உள்ள ஜிம்பாப்வே-ஸ்காட்லாந்து அணிகள் இன்று பலப்பரீட்சை நடத்துகின்றன. டாஸ் வென்று முதலில் பேட்டிங் செய்த ஸ்காட்லாந்து அணி, 20 ஓவர்களில் 6 விக்கெட் இழப்பிற்கு 132 ரன்கள் சேர்த்தது.

சிறப்பாக ஆடிய துவக்க வீரர் ஜார்ஜ் முன்சே 54 ரன்கள் சேர்த்தார். மெக்லியோட் 25 ரன்கள் அடித்தார். ஜிம்பாப்வே தரப்பில் டெண்டாய் சதாரா, ரிச்சர்டு நிகாரவா தலா 2 விக்கெட் எடுத்தனர். இதையடுத்து 133 ரன்கள் எடுத்தால் வெற்றி என்ற இலக்குடன் ஜிம்பாப்வே களமிறங்கியது. இப்போட்டியில் வெற்றி பெறும் அணி சூப்பர்-12 சுற்றுக்கு முன்னேறும்.