முட்டை அதன் கட்டுப்பாட்டு விலையை தாண்டிவிட்டதாக முட்டை வியாபாரிகள் கூறுகின்றனர்.
முட்டை பண்ணை உரிமையாளர்கள் தேவைக்கு ஏற்றவாறு முட்டையை வழங்காததாலும், வெள்ளை மற்றும் சிவப்பு முட்டைகள் கட்டுப்பாட்டு விலையை தாண்டி சந்தையில் விடுவதால், முட்டை கட்டுப்பாட்டு விலையை தாண்டியுள்ளதாக வியாபாரிகள் தெரிவித்துள்ளனர்.
கட்டுப்பாட்டை தாண்டிய விலை
அதன்படி வெள்ளை முட்டை ஒன்று சில்லறை விலையாக ரூ.54க்கும், சில்லறை விலையில் சிவப்பு முட்டை ரூ.55க்கும் விற்கப்படுகிறது.
முட்டை விலை உயர்வால், நுகர்வோரும் முட்டையை வாங்க தயக்கம் காட்டுவதாக வியாபாரிகள் கூறுகின்றனர்.
வியாபாரம் பாதிப்பு
மற்ற நாட்களில் தங்கள் கடைகளுக்கு தேவையான முட்டைகளை முட்டை பண்ணை உரிமையாளர்களிடம் இருந்து பெறுவதாகவும், தற்போதைய நிலைமையில் கடைகளுக்கு தேவையான முட்டைகள் கையிருப்பில் இல்லாததால் வியாபாரம் பாதிக்கப்பட்டுள்ளதாகவும் வியாபாரிகள் தெரிவித்தனர்.
