மகிழ் திருமேனி இயக்கத்தில் சமீபத்தில் வெளியான திரைப்படம் ‘கலகத் தலைவன்’.
இப்படம் ரசிகர்களின் பேராதரவை பெற்று வெற்றிகரமாக ஓடிக்கொண்டிருக்கிறது.
தடம், மீகாமன் போன்ற படங்களை இயக்கிய மகிழ் திருமேனி இயக்கத்தில் உதயநிதி ஸ்டாலின் நடித்திருக்கும் படம் ‘கலகத் தலைவன்’. இப்படத்தில் உதயநிதிக்கு ஜோடியாக நிதி அகர்வால் நடித்திருக்கிறார். மேலும், பிக்பாஸ் ஆரவ், கலையரசன் ஆகியோர் முக்கிய கதாபாத்திரங்களில் நடித்துள்ளனர். உதயநிதி ஸ்டாலினின் ரெட் ஜெயண்ட் மூவிஸ் நிறுவனம் தயாரித்துள்ள இப்படம் நவம்பர் 18-ஆம் தேதி திரையரங்குகளில் வெளியானது.
இப்படத்தில் நடித்த நிதி அகர்வால் சமீபத்தில் அளித்த பேட்டியில் கூறியதாவது, “அவர் இயற்கையான ஒரு நடிகர். இந்த படத்தின் திரு கதாபாத்திரத்திற்கு அவர் தான் பர்ஃபெக்ட். மிகவும் நல்ல நடித்திருக்கிறார். ரசிகர்கள் இந்த படத்தில் உதயநிதி சாரின் புதிய தோற்றத்தை பார்ப்பார்கள். இந்த படத்தில் நடித்திருக்கும் அனைவரும் சிறப்பான நடிப்பை கொடுத்திருக்கிறார்கள்” என்று கூறினார்.
