விக்கிபீடியாவில் list of tamilnadu chief minister என்ற பக்கத்தில் தற்போதைய முதல்வரான எடப்பாடி பழனிச்சாமியை அடிமை நம்பர் 1 என்று குறிப்பிட்டிருந்தது பெரும் பரபரப்பை ஏற்படுத்தியுள்ளது.
விக்கிபீடியா பக்கத்தில் தமிழ்நாட்டின் முதல்வர்கள் பெயர் பட்டியலில் இன்று தமிழக முதல்வராக பொறுப்பேற்றுக் கொண்ட எடப்பாடி பழனிச்சாமியின் பெயரும் சேர்க்கப்பட்டுள்ளது.
அப்பொழுது, அவரின் பெயருக்கு அருகில் அடிமை நம்பர் 1 என்று குறிப்பிடப்பட்டிருந்தது.
இந்நிலையில், விக்கிபீடியாவில் Log in ID வைத்திருக்கும் யார் வேண்டுமானாலும் தகவலை எடிட் செய்யலாம், பதிவேற்றங்கள் செய்யலாம். அப்படி தான் யாரோ இதை செய்திருக்க வேண்டும்.
இந்நிலையில், இதை அறிந்த விக்கிபீடியா அமைப்பினர் உடனடியாக அந்த தகவலை சரி செய்துள்ளனர்.
இவ்வாறு, விக்கிபீடியாவில் பிரபலமானவர்களின் தகவலை தவறாக எடிட் செய்வது புதியது அல்ல…ஏற்கனவே பல முறை விஜய், அஜித் ரசிகர்கள் எல்லா படங்களும் ஹிட், சூப்பர்ஹிட் என தாறுமாறாக எடிட் செய்து பட்டையை கிளப்பியிருந்தனர். அதன் வரிசையில் தான் தற்போது இந்த நிகழ்வு நிகழ்ந்துள்ளது.
