சிங்கப்பூர் பிரதமர் லீ குவான் யூவின் பாதையில் செல்லுமாறு முன்னாள் நாடாளுமன்ற உறுப்பினர் ரஞ்சன் ராமநாயக்க, ஜனாதிபதி ரணில் விக்ரமசிங்கவிடம் பகிரங்க கோரிக்கை விடுத்துள்ளார்.
ஊடகங்களுக்கு கருத்து தெரிவிக்கும் போதே அவர் இவ்வாறு கூறியுள்ளார்.
மேலும் கூறுகையில்,லீ குவான் யூ, தனக்கு ஆதரவான பாதாள உலகக் குழுக்களுக்குச் செய்ததைப் போன்று ஜனாதிபதியிடம் நடந்து கொள்ள வேண்டும் என்று கோரிக்கை விடுத்தார்.
பல்வேறு ஊழல்கள் மூலம் இலங்கையை அழித்த திருடர்கள் குழுவினால் ஜனாதிபதி ரணில் விக்ரமசிங்க பதவிக்கு கொண்டு வரப்பட்டுள்ளார்.
மெய்ப்பாதுகாவலராக ரணில்
திருடர்கள் குழு தமது பாதுகாப்பிற்காகவே ரணில் விக்ரமசிங்கவை மெய்ப்பாதுகாவலராக அழைத்து வந்துள்ளனர்.
இந்தநிலையில் ரெட் டிராகன் மற்றும் பிளாக் டிராகன் என்ற இரண்டு மாஃபியா பாதாள உலகக் குழுக்களின் ஆதரவுடன் சிங்கப்பூர் பிரதமர் லீ குவான் யூ தேர்ந்தெடுக்கப்பட்டார்.
ஏனினும் அவர் ஆட்சிக்கு வந்த பின்னர் அவருக்கு ஆதரவாக இருந்த மாஃபியா குழு தலைவர்கள் தூக்கிலிடப்பட்டனர்.
எனினும் ஜனாதிபதி ரணில் விக்ரமசிங்க அதேபோன்று செய்வாரா என்பது சந்தேகத்திற்குரியது.” என்று ரஞ்சன் ராமநாயக்க குறிப்பிட்டுள்ளார.
