பயணிகளுடன் சரிந்த நெடுந்தாரகை! பயணிகளை மீட்ட படையினர்!

நெடுந்தீவில் பயணிகயை ஏற்றி வந்த நெடுந்தாரகை சிறிது சரிந்துள்ளதாக தெரிவிக்கப்படுகின்றது.

தரைதட்டும்போது இவ்வாறு சிறிது சரிந்துள்ள போதிலும், குறித்த இடத்திற்கு விரைந்த இலங்கை கடற்படையினர் பயணிகளை பத்திரமாக மீட்டுள்ளனர்.

இன்று காலை 10.30 மணியளவில் இந்த சம்பவம் இடம்பெற்றுள்ளது.

இதனால் யாருக்கும் பாதிப்புக்கள் ஏற்படவில்லை எனவும், பொருட்சேதங்களும் ஏற்படவில்லை.

குறிகாட்டுவானுக்கும் நெடுந்தீவுக்கும் இடையே பயணிகள் சேவையில் ஈடுபட்ட நெடுந்தாரகை நெடுந்தீவில் தரைதட்டியது. இதன்போதே சிறிது சரிந்துள்ளதாக தகவல்கள் தெரிவிக்கின்றன.

குறித்த பயணத்தின்போது நெடுந்தாரகையில் வெளிநாட்டுப் பயணிகளும், பாதிரியாரும், மற்றும் பொது மக்களும் இருந்தமை குறிப்பிடத்தக்கது.