ஒருநாள் உங்களை விட வேகமாக ஓடுவேன்: உசேன் போல்ட்டிடம் கோஹ்லி சவால்

உலகின் அதிவேக மனிதராக வர்ணிக்கப்படும் ஜமைக்காவின் உசேன் போல்ட்டை விட ஒருநாள் வேகமாக ஓடுவேன் என இந்திய கிரிக்கெட் அணியின் தலைவர் விராட் கோஹ்லி தெரிவித்துள்ளார்ட.

சர்வதேச விளையாட்டு நிறுவனமான ‘பூமா’ இந்திய கிரிக்கெட் அணியின் தலைவர் விராட் கோஹ்லியை 8 ஆண்டுகளுக்கு இந்திய மதிப்பில் 110 கோடி ரூபாவுக்கு ஒப்பந்தம் செய்துள்ளது.

இந்திய விளையாட்டு வீரர் ஒருவர் ஒரே விளம்பரத்தில் இவ்வளவு அதிகமான தொகைக்கு ஒப்பந்தம் செய்யப்படுவது இதுவே முதல் முறையாகும்.

இந்நிலையில், ஏற்னவே பூமா நிறுவனத்தின் விளம்பரத் தூதராக இருக்கும் உலகின் நம்பர் 1 தடகள வீரர் உசேன் போல்ட் தனது டுவிட்டர் பக்கத்தில்,

‘விராட் கோஹ்லி இதற்கு சரியான தேர்வு’ என புகழ்ந்துள்ளார். இதற்கு பதில் அளித்துள்ள விராட் ‘ஒருநாள் உங்களைவிட வேகமாக ஓடுவேன். நன்றி ஜாம்பவான்’ என குறிப்பிட்டுள்ளார்.